Wednesday, 16 September 2009

إيه إللي بيحصل بره؟

يمكن ما فيش حاجة جديدة، زمان اتنشر لي مقال أو مقالين في أخبار الأدب بتكلم فيهم عن حدث ثقافي بيحصل بره وفي بص وطل ده كان جزء من شغلي، لما كنت محررة دايمة في الموقع، بس ده ما كنش بيحصل بكثافة. دلوقتي بعمل ده تقريبا بشكل أسبوعي، واقدر أقول إن الفترات إللي بآخد فيها جولة في المجلات وبترجم الأخبار بحس كإني كنت في رحلة ورجعت تاني: مهرجان في إنجلترا مثلا قايم على الفن الكاريبي أيام ما كانت جزر الكاريبي مستعمرات، وإزاي إن الاستعمار انتهى بس جزر الكاريبي نفسها بتقدم فنها في بلد كانت مستعمراها، أوبرا عايدة تتعمل بإخراج جديد في الميّة على بحيرة في النمسا، و في إنجلترا برضه 66 يوم تفضل الشوارع منورة بالليل باستخدام أشكال مختلفة من الضوء، وكتب قبل ما تطلع يتعمل عليها دعاية، وتبقى معروف هي حتطلع أمتى بالضبط، ده غير الجوايز الأدبية إللي ليها مواقع على النت تقدر تعرف منها مين إللي فاز بالجوايز دي الأعوام السابقة وفازوا ليه، وانتقاد للكلاسيكيات زي ما في فرنسا انتقدوا روايات طرزان لأنهم اعتبروها مسئية للمرأة والسود، ومشاكل برضه بتعاني منها أمريكا في العنصرية ، م الآخر يعني، حابة انقل العالم ده،عشان كده المدونة الجديدة إللي حيتم تحديثها بشكل أسبوعي بعد نشر المقال في بص وطل
المدونة أهه:
وصباح الفل
:) :) :)

4 comments:

الست فرويد said...

شيماء
مبروك المدونة الجديدة

انا رحت هناك والمواضيع شكلها جذاب ومثير ومغرى للقراءة

بس رجاء تكبرى الخط شوية هناك
وصباحك ورد

:))))))

Shaimaa Zaher said...

عيد سعيد عليكي

كبرت الخط

وشكرا ع الاهتمام

صباحك ياسمين وليلي

:))))

أسما عواد said...

شيماء
مدونتك جميلة
وانت كمان جميلة
هرجع للمواضيع اللي فاتت مرةتانية تحياتي

شيماء زاهر said...

أسماء عواد

شكرا جزيلا على اهتمامك

وسعيدة بالتعرف عليكي
ولو على المدونة

يتم تحديث المدونة أسبوعيا...تابعونا :)