إيه إللي بيحصل بره؟

يمكن ما فيش حاجة جديدة، زمان اتنشر لي مقال أو مقالين في أخبار الأدب بتكلم فيهم عن حدث ثقافي بيحصل بره وفي بص وطل ده كان جزء من شغلي، لما كنت محررة دايمة في الموقع، بس ده ما كنش بيحصل بكثافة. دلوقتي بعمل ده تقريبا بشكل أسبوعي، واقدر أقول إن الفترات إللي بآخد فيها جولة في المجلات وبترجم الأخبار بحس كإني كنت في رحلة ورجعت تاني: مهرجان في إنجلترا مثلا قايم على الفن الكاريبي أيام ما كانت جزر الكاريبي مستعمرات، وإزاي إن الاستعمار انتهى بس جزر الكاريبي نفسها بتقدم فنها في بلد كانت مستعمراها، أوبرا عايدة تتعمل بإخراج جديد في الميّة على بحيرة في النمسا، و في إنجلترا برضه 66 يوم تفضل الشوارع منورة بالليل باستخدام أشكال مختلفة من الضوء، وكتب قبل ما تطلع يتعمل عليها دعاية، وتبقى معروف هي حتطلع أمتى بالضبط، ده غير الجوايز الأدبية إللي ليها مواقع على النت تقدر تعرف منها مين إللي فاز بالجوايز دي الأعوام السابقة وفازوا ليه، وانتقاد للكلاسيكيات زي ما في فرنسا انتقدوا روايات طرزان لأنهم اعتبروها مسئية للمرأة والسود، ومشاكل برضه بتعاني منها أمريكا في العنصرية ، م الآخر يعني، حابة انقل العالم ده،عشان كده المدونة الجديدة إللي حيتم تحديثها بشكل أسبوعي بعد نشر المقال في بص وطل
المدونة أهه:
وصباح الفل
:) :) :)

اخترنا لكم...حنان في الريف و خلي السعادة عادة مع ميادة!

وحشتوني جدا   أنا انهاردا في جو تمانيناتي جميل وباسمع هدى القمر لإيهاب توفيق والدنيا دندنة وباكتب لكم وأنا حاضنة البطانية  عاوزة اشاركم حاجت...