اخترنا لكم...حنان في الريف و خلي السعادة عادة مع ميادة!



وحشتوني جدا 

 أنا انهاردا في جو تمانيناتي جميل وباسمع هدى القمر لإيهاب توفيق والدنيا دندنة وباكتب لكم وأنا حاضنة البطانية

 عاوزة اشاركم حاجتين من رحلاتي في اليوتيوب والسوشيال ميديا

الأول قناة بحبها جدا اسمها حنان في الريف

بقالي فترة بتفرج عليها وبحب الراحة النفسية اللي موجودة في فيديوهاتها

دوس على اللينك بقلب جامد وخش برجلك اليمين

اعمل 

subscribe

وشوف

حتلاقي مزج جميل ما بين الأدعية وطاقة إيجابية لست بيت همام بتشارك مع متابعينها روتين الحياة اليومي

بحب فديوهاتها جدا لان شغل الستات في البيت دايما بيتاخد في الرجلين كانه من المسلمات

فكويس إن أشوف ع الشاشة اليوتيوبية مجهود الستات في شغل البيت وتعبهم طول اليوم 

في شهر رمضان الكريم كانت فيديوهات حنان في الريف من الهدايا اللي بهدي بيها نفسي  

نخش بقى على الهدية التانية من هدايا السوشيال ميديا 

ده بقى من على انستجرام 

هي اسمها 

ميادة الفيشاوي

مذيعة راديو 

بحب صوتها الرصين 

وهي بتتكلم عن المشاعر الإنسانية ومن ضمنها حاجة كلنا محتاجنها دلوقتي لأسباب كتير

السعادة

أسيبكم بقى دلوقتي وقولوا لي أيه رأيكم 

 في برنامج انهاردا

  اخترنا لكم

مساء السكر والياسمين والفل


 

Congratulations! Samuel Pye


                                                          Tomorrow carries,

                                                         on the back of yesterday,

                                                          stars twinkle,

                                                          behind blankets of cloud,

                                                          earth moves silently round,

                                                          descendants beckon me to the future,

                                                          ancestors call me home,

                                                          kind faces keep me warm,

                                                          sitting on the shore,

                                                         at the feet of the mountains,

                                                         watching a peaceful exchange,

                                                         tide gives and takes away,

                                                         leaving on the beach,

                                                        whilst washing away,

                                                         taking out to sea,

                                                        and bringing to land,

                                                        trees stand firm and sway,

                                                        once drifting,

                                                        chose to stay, 

                                                        ----------

                                                       From the poem 'wood' 

                                  Part of the new collection of poetry for the author Samuel Pye 

                                      Congratulations ✧・゚: *✧・゚:*✧・゚: *✧・゚:*

                                        You can find it here  

وحشتوني وحشتوني

عاملين ايه يا جماعة؟ يارب تكونوا بخير وفي أمان، أظن دي بقت حاجة لازم تتقال من ساعة الكورونا

حابة أشاركم في حاجتين كتبنهم في الفترة إللي فاتت

تدوينة عن إزاي اللغة بتقدم صورة للحب بشكل معين في الأغاني المصرية

وتدوينة عن إزاي اللغة شكلت فهم معين عن الكورونا



يارب تقروهم وتستمتعوا بقرايتهم و تقولولي رأيكم

💚 💚 💚

صباح الفل 2020



ياااااااااه من زمان عاوزة أكتب من تاني ووأنا قاعدة دلوقتي وبنفض للحزن ، فيه ابتسامة على وشي لاني فرحانة إني بكتب تاني وحاسة زي ما يكون فيه تاج على راسي ومن ردهات الذاكرة فيه إعلان جاي على ودني بيقول "تاج الملوك للناس إللي بيحبوك"، طيب نتكلم في إيه يا مؤمن

تتكلم في إيه يا مؤمن؟


نتكلم عن الثقافة الشعبية (خبطة بالخرزانة الطويلة على الديسك كما ياسمين عبد العزيز في فيلم الثلاثة يشتغلونها)

عمر دياب. استطاع المغني المشهور خلال ثلاثة عقود التواجد والاستمرار على الساحة الغنائية والحصول على لقب الهضبة وأثبت في الفترة الأخيرة إنه حبيب واجتماعي و ...دائما له صور مع النجوم
  فاصل: في الأبحاث الأخيرة في علم الاجتماع ، من ضمن الأفكار إللي بتتطرح إن إزاي ثقاقة النجوم بقت مسيطرة علينا وده بياخد أشكال مختلفة من متابعة الحياة الشخصية للنجوم لطريقة لبسهم وإنماط حياتهم 



  


وأنا كمان بما إن أني مواطن في القرن الواحد والعشرين كنت مهتمة جدا بمتابعة أخبار عمرو دياب (إللي متابعة أغانيه)، ولفت اهتمامي جدا زوجته إللي عرفت إن اسمها زينة عاشور ؛ احترمتها جدا وبقيت من متابعيها على انستجرام


 اهتمامي بالقصة دي كان موازي لاهتمامي بسؤال أكبر : تعمل إيه في المجتمع ده؟ مجتمع ذكوري بينظر للكون و الحق و الصح من وجهة نظر الراجل  

والحقيقة لو إنت مستغرب من موضوع ذكوري ده أحب أشرح لك إن الموضوع كله ممارسة ما حدش يعني بيطلع في المدرسة  والحضانه ويقولك الذكر في هذا المجتمع دائما على صواب أما رأي الأنثى فدايما محل شك، ما حدش بيقولك وش كده بس الممارسات سواء من الميديا أو من الناس في الحياة بتوصلك الفكرة دي

مثال للفارق في النظرة المختلفة للراجل والست هو تصوير الست دايما سواء في الإعلانات أو في الأغاني أو في الصحافة الشعبية على إنها أداه، أداة لامتاع القارئ- المشاهد أو إبهاره وتسليته، تلاحظ مثلا إن في المقالات عن المشاهير في الغرب الست دايما بيتكتب عنها في إطار شكلها و سنها، في حين إن الراجل سنه نادرا ما بيذكر، عمرو دياب في تصوير أغانيه كمان ما يطلعش بره فكره التنميط والممارسة إللي باتكلم عليها ، مثلا في الذاكرة البصرية لأغانيه في ذهني صورة مطرب حوالينه مودلز زي أغنية قمرين و  علموني 

مثلا خد الكادر ده من قمرين



والكادر ده من حبيبي يا نور العين



ماحدش بيقولك بشكل مباشر الراجل هو البطل والستات كومبارس بس ده المعنى إللي ممكن يوصلك من تكرار الصورة البصرية دي في الأغاني

وده مثل بسيط من أمثلة كتيرة جدا في الميديا و الحياة بتخلق التفاوت في التعامل مع الراجل والست، نرجع بقى للسؤال:

 تعملي إيه في مجتمع ذكوري؟ 

الحقيقة إنك ما تعمليش حاجة؟ إيه يعني تقدري تعمليه في حاجة ماينستريم وبتفرض
 نفسها عليكي سواء في إعلانات ولا في ممارسة في الحياة من أول التعليقات السخيفة 
بتاعة الستات لما يسوقوا... واسيبلك بقى إنت الأخر تكمله.
يمكن يكون أحد الحلول هو انتقاد استخدام اللغة، التوعية بالظلم والأنماط إللي بتخلقها
 وترسخها

مممممممممم
 يعني يجرى إيه  لما كنت أكتب بوست أودع فيه 2019 بموسيقى كلاسيكية هادية ..كسارة البندق... بدل الكلام عن الظلم واللغة كممارسة، يلا صباح الفل
2020

عود حميد، موش كده والنبي؟!

أول مرة أدخل المدونة فعليا بعد سنين هو نفس التوقيت اللي جالي فيه تليفون جديد من شخص غالي جدا ومهم بالنسبة لي وهوا نفس التوقيت اللي الشخص ده قام منّزلي برنامج بلوجر (إيمانا منه بموهبتي الفذة في الكتابة!!) على التليفون السمارت الجديد الأمور اللي بيشتغل أندرويد وربنا يكرم مستخدمي تليفونات ويندوز ويمسيهم بالخير دايما. 

كنت شايفة المدونة شقة متّربة: في هناك كرسي مقلوب فوق المكتب زي ما هو من آخر مرة كتبت فيها من تلات سنين؟ وفيها كنبة عليها ملاية صفرا منقرشة؛ أول ما قعدت عليها، فضلت اكح شوية وبعد كدا فضلت أعاهد نفسي كذا يوم ان الشقة لازم تتفتح وترجع تاني ماهولة للبنين آدمين.

 انهاردا بس قدرت ازحزح الإرهاق في طبقته الأولى والتانية والتالتة واكتب هنا وأنا مستلقيه على السرير، في الظلام، مبحلقة في شاشة الموبايل والابتسامة تملؤ وجهي (انظروا الي موكلي هذا، انظروا الي هذا الملاك البرئ...).

 بما إنها أول مرة اكتب من زمن، فحابة اقولكم عن التغيرات اللي طرأت في حياتي من الكام سنة إللي فاتوا. اول حاجة اني سافرت انجلترا أدرس الدكتوراه في تخصص علم الخطاب وحصلت عليها من اكتر من سنة بشوية من جامعة لأنكستر، بتشجيع من أمي وأبويا وأخوّي محمد وضياء (سلااااام كبير) وبعض الأساتذة الأعزاء في جامعة القاهرة.

بعد ما رجعت حاولت أطبق اللي اتعلمته في الفرع من العلم ده وفي طريقة التدريس وطورت محاضرات عن تحليل الخطاب في جامعة الفيوم اللي بحبها جدا وبحب كل حاجة فيها: من مشوار الألف ميل إللي بيفصلك عن جو المدينة، وطبعا لا يمكن انسى جايزة الرحلة، ساندويتش الفول والطعمية اللذيد العظيم من على عربية الفول في موقف المنيب؛ إلى الطلبة الأعزاء بجد اللي باستفاد واستمتع بتدريسي ليهم.

وايه كمان بقى؟ في الكام سنة اللي فاتت وفي رحلة الحصول على الدكتوراة قدمت أبحاث كتيرة في مؤتمرات في انجلترا و في ألمانيا وفنلندا، و ايطاليا، طبعا حابة احكي في البوستات الجاية عن انطباعي عن البلاد والناس والأماكن اللي زرتها، تابعوني بقى هنا على المدونة، ماشي؟

ايه بقى الجديد كمان؟ بعد توقف عن الكتابة القصصية لفترة احب اقول ان الماضي الجميل حيرجع تاني. يا مسهل! احب أفكركم ان لي بنتين حلوين قمرات، مجموعة البلياتشو الصادرة عن دار مريت ومجموعة مية في المية قطن الصادرة عن دار نهضة مصر. الأيام الحلوة راجعة وراجع معاها جو الكتابة المليان توتر والهام وإعجاب.

اسيبكم بقى عشان أكمل توضيب في الشقة و أهديلكم (نفر نفر) صورة عزيزة علي جدا، من حفلة تخرجي في الدكتوراه في ديسمبر الماضي في جامعة لأنكستر...وسلامي الموصول لمشرفيني في رسالة الدكتوراه د.شروق نجيب ؛ وروث وداك.



عم أكتب بالإنجليزي

ماشي الحال. الجديد إللي عاوزه أقوله إن المدونة إللي بالإنجليزي -عال العال- و بدأت في طريق الكفاح والنضال نحو المزيد من الهيتس في الكاونتر. المدونة دي بالنسبة لي بنتي التانية. بعد دردشة. آه والله. جايز تكون المدونات بقت موضه قديمة إنما لأ
المدونة مستمرة.

من فضلك بص هنا:
http://shaimaaz.blogspot.co.uk/

Walt Disney World: Marra Wa7ed عlmany!


مرة واحد علماني جه يكتب بسم الله الرحمن الرحيم طلع أِشول
مرة واحد علماني عطس قال الحمد الله
مرة واحد علماني دخل هندسة "قسم إسلامي"
مرة واحد علماني جه يتقدم لواحدة أبوها قرا الفاتحة
مرة واحد علماني اتجوز علمانية جابوا "مدني"
مرة واحد علماني مات يوم وقفة عرفات
مرة واحد علماني اشترى لخطيبته مصحف
أنا مهما خدتني المُدن وخدتني ناس المُدن- دندنة علماني
مرة واحد رمى السلامو عليكو قام واحد صاحبنا رادد عليه وعليكم السلام ورحمة الله وبركاته
ما تخلي أخلاقك مدنية أمال- واحد علماني في أول خناقة
مرة واحد علماني ربى دقن
واحد سأل واحد علماني مش إنت مؤمن بربنا زينا؟ جاوبني
الأول؟ "يا سلام يا أخي! ده حبيبي"!
مرة واحد علماني طهق من حياته راح جزيرة:
- "خلاص يارب ..أنا هنا لوحدي مرتاح البال"..يوم يومين لقى واحد معدي..
"بس تصدق بإيه.. أنت ربنا بعتك لي م السما. جنة من غير ناس صحيح. بس أنت إيه إللي جابك هنا؟"
"حيكون ليه يعني..جاي استريح شوية.. كل شوية يطلعولي في حته ... الكفرة
ولاد الكلب دول"
قريبا .. مرة واحد سلفي




عندما حكم العرب الأندلس هل كانت الحضارة العربية علمانية؟

قصر الحمراء في الأندلس

تعرفت إلى البرنامج صدفة. شاشة صغيرة على صفحة “البي بي سي فور” على الإنترنت لها عنوان “عندما حكم المغاربة أوروبا”. لا يخفى على أحد حضارة العرب في “الأندلس”، أمَا أن يحمل الفيلم عنوانا يشير إلى “أوروبا” بأكملها، فالأمر كان بالنسبة لي يستحق المشاهدة.

الفيلم ”عندما حكم المغاربة أوروبا” للمؤرخة –”بيتني هيوز”. أذيع للمرة الأولى في قناة “البي بي سي فور” في عام 2005، ولا يزال يُعرض حتى الآن. إذا ما كتبت الأسم في جوجل، ستجد له صفحة في “الوكيبديا”، وتجد عرضا له في عدد لابأس به من المدونات التي تُكتب بالإنجليزية، وصفحة على موقع الأمازون. باختصار الفيلم الوثاقي نال اهتماما في بعض الدوائر لأنه يقدم صورة مغايرة للإسلام. كما تقول “بيتي هيوز” نفسها.. ” لم يكن هذا هو الإسلام الجامد الذي في تصور (البعض) بل كان إسلاما تقدميا يحتفي بالحياة”. يقدم الفيلم قصة صعود وهبوط الحضارة العربية ليس فقط في أسبانيا بل في أوروبا، من أين أبدأ؟

في القرن السابع الميلادي ظهر الرسول محمد صلى الله عليه وسلم. خلال عدة عقود أصبح للمسلمين إمبراطورية شاسعة. الحضارة قامت لأسباب:

واحد..الأمر الذي جاء لمحمد صلى الله عليه وسلم.. أقرأ. الإسلام -كدين جديد- شجع على تعليم القراءة والكتابة في الوقت الذي كانت فيه الحضارة الرومانية-بعد دخول المسيحية- تُؤثر القراءة والكتابة على النخبة. الجوامع كانت مدارس لتعليم القراءة والكتابة والنحو. على سبيل المثال، في مدرسة السلطان “أبي عنان” بالمغرب، كُتبت على الجدران الآتي: “أنا مجلس العلم. فتعالى يا مسلم. تعالى وتعلم. لأنه بالعلم تستطيع أن تكون ما تريد في المستقبل”.

اتنين، غالب الأفكار الأغريقية كانت تتلاقى في مكتبة الأسكندية. ولما فتح العرب الأسكندرية في عام 641 ميلادية أصبحت الأفكار الأغريقية طوعا لهم. لم يكن بغريب أن يقدم العرب ميراثا للحضارة -وقتها- لأنه في الوقت الذي كانت فيه الحضارة الرومانية تأخذ موقفا حذرا من الميراث الأغريقي “الوثني”؛ مثلا في عام 529 ميلادية، قام الإمبراطور “جستنيان” بإغلاق المدرسة الإغريقية للفلسفة؛ في الوقت ذاته، كان العرب ينهلون مما تركته الحضارة الأغريقية “الوثنية” من أفكار؛ عنى ذلك إنهم ترجموا فعليا كل ما كتب الأغريق وأضافوا عليه بعد ذلك.

تلاتة، العلم كان على قمة أجندة المسلمين، طور المسلمين الجبر عن الفلاسفة الأغريق؛ قصر الحمراء على سبيل المثال انتصار للمعادلات الحسابية بجانب القيمة الجمالية. في الطب، أقيمت في قرطبة عميلات جراحية لم تكن لتعرفها أوروبا سوى بعدها بمئات السنين.

أربعة، أدخل العرب الورق –المأخوذ عن الحضارة الصينية بالأساس – إلى أسبانيا؛ وكان هذا كافيا لتحويل التكوين الثقافي لأوروبا لأسباب أيضا سأذكرها فيما بعد؛ حُب قرطبة للكتب صار أسطوريا: مكتبة واحدة- ضمن سبعين مكتبة- في قرطبة شملت نصف مليون كتاب، ضمنها آخر ما توصل له العلم وقتها في أبحاث الفضاء. قرطبة كانت مدينة واحدة ضمن مدن أخرى.

خمسة، بحلول القرن العاشر الميلادي صارت قرطبة العاصمة الرسمية للأندلس، عاصمة حضارية عالمية، يقطنها ما يقرب من مئة ألف مواطن، أكبر مستوطنة في أوروبا وقتذاك. بها سبعون مكتبة وما يزيد على ثلاثمائة حانة.

في عام 912 يجيء حاكم جديد لقرطبة، عبد الرحمن الثالث، يأخذ قرطبة لمكانة حضارية أبعد. ينصب نفسه حاكما أوحد للمسلمين؛ يُحول أسبانيا من مجرد “إمارة” إلى قوة محورية في حضارات الإسلام، لتأكيد مكانته، يقيم قصرا في مدينة جديدة أسمها “الزهراء” .

ستة، يتحول بلاط مدينة الزهراء لصورة حضارية خالصة، في بلاط القصر تترد طبقات وطبقات من أنغام آلات موسيقية طورها العرب. هناك سيدات يجدن فن الحديث.. والغناء.. وتأليف الشعر وإلقائه.. “الحب هو نغمة محببة .الحر منها لا يريد أن يُعرف. والمصاب بها لا يريد أن يُشفى”؛ تلك المفاهيم عن الحب – الحب لذاته- انتقلت إلى أوروبا عن طريق المغنين الفرنسيين الرحالة أو “التروبادورز”، اللذين تأثروا بغناء السيدات في الأندلس.

سبعة، تسقط “مدينة الزهراء” لإن التجنيد لم يكن إجباريا على مواطنيها. في ذات الوقت، تقام الدعوة لحروب صليبية في الشرق، تجر معاها حروبا في الأندلس؛ تتساقط مدن الأندلس الواحدة تلو الآخرى، يُطرد الآلاف، ويبقى البعض، الحماية مقابل المال.

تمانية، مع نهاية القرون الوسطى، تشهد أوروبا ثورة فكرية يُطلق عليها فيما بعد “عصر النهضة”، من المعروف أن “عصر النهضة” يبدأ في إيطاليا بإحياء الكلاسكيات، لكنه يبدأ قبل ذلك في أسبانيا ، تحديدا في “طليلطة”.

تسعة، في عام 1085 ميلادية تسقط طليلطة ، ويُسمح -على عكس من مدن أخرى- للعرب البقاء بها، يتوافد الأوروبييون بالمئات إلى طليطلة ، يتعلمون اللغة العربية، ويقرأون كتبها، تقام ورش عمل بين مسيحين ومسلمين وويهود، بهدف ترجمة النصوص العربية إلى اللاتينية. مثلما قام العرب بترجمة النصوص الأغريقية إلى العربية قبل أربعمائة عام، يقوم الأوروبيون بنقل الفكر العربي إلى اللاتينية.

عشرة، في عام 1492، تسقط آخر الممالك العربية في أسبانيا- غرناطة، في ذات الوقت، يتستقبل ملوك أسبانيا الجدد “فيرنداد” و”إيزابيلا” ”كرستوفر كولمبوس” قبل رحلته لاكتشاف العالم الجديد.

ينتهي وجود العرب في الأندلس، ويبقى السؤال يطل بثقل على شرفات الحاضر. هل كانت حضارة الأندلس ذات نظام سياسي “علماني”؟ إذا ما قمت بتعريف “العلمانية” –كمصطلح معاصر- على إنها : واحد، احترام الحريات الشخصية وقبول الآخر سواء كان يختلف أو يتفق مع قناعاتك ، اتنين، الاهتمام بالعلم بمعناه الواسع، تلاتة، الفصل بين الدين –كطاقة روحية- والدولة –كنظام سياسي- ، فإن الأجابة ستكون نعم. الحضارة العربية كانت ذات نظام سياسي علماني، أو هكذا آراها!

نشر في البديل

Egyptian influences ...

It was also a faith committed to the pursuit of learning...
This uninhibited attitudes to learning means that when Muslims come across the teachings of other cultures they seized upon them vigorously...
And the number of Greek ideas stem from Egyptian and Eastern influences...


Cotton 100%: مية في المية قطن

مستلقية على سريري، أمسكت بالموبايل وأنا أستمتع بإلغاء كل رسالة منه، أكتشف الآن أن غرفتي بعكس الصالة تخلو من النشع، تخيلت وجهه أمامي، فقلت في بلاهة إني حتى لا أظن أنه يرتدي قمصانًا من القطن، لفت نظري ذات مرة قميص مقلم يرتدية كانت به لمعة ما، لكن يمكنني الآن أن أقول إنه كان يخالطه شيء صناعي، النايلون ربما، أنا نفسي... كيف كنت كل هذا الوقت أشتري ملابس دون أن أنتبه لنوع الأقمشة! وضعت الموبايل على الطاولة، أغمضت عيني... وقفت أمام الدولاب، أخرجت ملابسي، كوَّمتها، أمسكت بكل قطعة، رفعتها إلى أعلى، وفي حركة دائرية ألقيت بها، استدرت وأنا أحتضن المخدة.. كالسكران قلت ببطء إن القطن المصري لا يُعلَى عليه.

من مجموعتي القصصية "مية في المية قطن" الصادرة عن دار نهضة مصر


Lying in bed, I hold the mobile, deleting all his messages with enjoyment. I discover that my room, unlike the reception, has no leak. I conjure up his face. I do not even think he wore cotton shirts. I remember a striped shirt he wore once, but its gloss appearance makes me say that there is synthetic material in it, nylon may be. I myself, all these years, have bought clothes without noticing which type of material I wear… I put the mobile phone on the table and close my eyes. Beside the closet, I get out my clothes, pile them up, hold each piece and throw it up in a circular movement. I turn to hug the pillow. Like a drunkard, I say that nothing compares to the Egyptian cotton.

From my second collection of stories, Cotton 100%, recently published by Dar Nahdet Misr, Cairo 2011.


الشكر لـ:

أ. أمل زكي

أ. سامح سمير

أ. شريف عبد المجيد

أ. طارق الطاهر

د. محمد محمد زاهر

د. نهلة ناجي توفيق


اخترنا لكم...حنان في الريف و خلي السعادة عادة مع ميادة!

وحشتوني جدا   أنا انهاردا في جو تمانيناتي جميل وباسمع هدى القمر لإيهاب توفيق والدنيا دندنة وباكتب لكم وأنا حاضنة البطانية  عاوزة اشاركم حاجت...