خبر حلو

كنت قد عرفت منذ عدة أيام أن قصتي الأولى "المظاهرة" التي كتبتها بعد "البلياتشو" قد فازت في مسابقة نجلاء محرم. صحيح إن الموضوع مافيهوش فلوس خالص. بس أنا بصراحة إنبسطت إنها فازت ، لأن القصة دي كانت حظها وحش مع النشر. كل ما أوديها في حته ما تتنشرش ..بس ربك بقى لما يريد. أهي الأمورة حتتنشر أهو وتطلع في كتاب و يتوزع ع النقاد والصحفيين ...و سلام كبير...
بعدها بيوم واحد ، جاء لي إيميل من صحفية سويسرية بتعمل شغل على كتابات النساء في مصر. اتقابلت معاها إنهارده وحسيت إني كبرت بجد عشر سنين قدام وهي بتسألني عن بدايتي في الكتابة وأتأثرت بمين، وأنا باحكيلها برضوا عن قصصي الأخيرة والبلياتشو. أتأثرت بسحر الموجي لما درست لي في الكلية، حبيت دارية و سحر ، بحب اكتشف تاريخ المسلمين عشان دي لحاجة إللي ممكن أفتخر بها دلوقتي، (وهو فيه حاجة تانية ؟) ، عايزة اتعلم بيانو ، واعرف أكثر عن المسلمين زمان، عن التاريخ القبطي والفرعوني، حاجات كثير...
مصر..لأ ..حتكون أحسن...فيه جيل طالع دلوقتي مش بيهموا حاجة... أنا عمري ما اشتركت في مظاهرة لأني مش هاستحمل الضرب والإهانة ..بس على الأقل باعبر عن رأيي في كتابتي...في جيل عايز يغير الواقع ومين عارف؟)

12 comments:

باسم شرف said...

mabrooook da khabar gameel
3kbal nobel

Saikoman said...

مبرووك يا شيماء

Tamir Fat-hee said...

ألف مبروك يا ستي

وعقبال الكتاب الجاي .. إلاّ هو أيه أخباره صحيح ؟

Shaimaa Zaher said...

باسم: شكرا يا أستاذ. يارب دايما تسمع أخبار حلوة.

سايكومان: الله يبارك فيك!

تامر فتحي: يا فندم البلوج نور...شغالة والله بس كسلانة شوية. قريب جدا حابعث لك آخر قصة كتبتها بإذن الله..ونتبادل الآراء

salateenoo said...

مبروك يا شيماء.... عقبال كدة يا رب لما تبقي كاتبة مشهورة ...وتطلعي كل شوية في الندوات والتليفيزيون.... واقعد انا اصوت واقوا شيماء اهي ...انا اعرفها والله العظيم اعرفها ...طبعا محدش هيصدقني ... يااللا ..دنيااااا
الف مليون مبروك عل فوز القصة ..

Anonymous said...

الف الف مبرووووك عقبال ما نشوف اسم شيماء زاهر وكتبها في كل حته

Shaimaa Zaher said...

أحمد سلطان:الله يبارك فيك يا أحمد:) بس يا عم أنا حد خجول وشكلي كده ولا حاطلع في ندوات ولا تلفزيون ..سيبك إنت ..أنا أصلي مش عايزاك تصوت :)

بس إن شاء الله تبقى تقرا لي كتبي... صباحك عندليب :)

شيماء: شكرا لك بجد و نورت المدونة ده أنت حتى أسمك على أسمي ..ويسمع منك ربنا ..إن شاء الله..أفرجها يا باسط :)

Diyaa' said...

congrats
wish u would win the nobel prize one day
btw ....from the 1st time i've read for u i realized that u r a gr8 writter ..so dont be so humble u didnt grow up for ten years ...u have grown up mn zmaan
yhmny r2yk fy a5r post lya
w sorry l2ny dont visit u regularlly cuze i've no time almost + my mood is not ok
anyway
salam

Shaimaa Zaher said...

Thanks a lot , Diaa
U know, s. times it's good 2 be humble bec the moment u think urself someone is the moment u will stop 2 develop. Will v a look at ur recent post Isa..

:))

Dananeer said...

مبروك يا شيماء
الكلمات كتير بتكون اهم من مظاهره
كفايه توصل لغيرك و تحرك فينا حاجه

Shaimaa Zaher said...

دنانير: شكرا لكلامك...ونورت المدونة
وكلامك مشجع لأني بجد ماليش في المظاهرات بس حاسه إن ده تقصير ، الواحد بيجيلوا إحساس ساعات إن خلاص بقه السكوت على الظلم والقمع ماعدش ينفع، بس ما بيقدرش يعمل حاجة..

كراكيب نـهـى مـحمود said...

مبروك يا شيماء
ده خبر جد حلو وزي العسل

اخترنا لكم...حنان في الريف و خلي السعادة عادة مع ميادة!

وحشتوني جدا   أنا انهاردا في جو تمانيناتي جميل وباسمع هدى القمر لإيهاب توفيق والدنيا دندنة وباكتب لكم وأنا حاضنة البطانية  عاوزة اشاركم حاجت...