حدث يستحق الاحتفال

يوم الخميس القادم
الساعة 8
في مكتبة عمر بوك ستور

يقام حفل توقيع لأربعة من الزملاء الأعزاء
دعاء سمير وكتابها حب بلون البنفسج


أحمد عمار وديوانه حنين



حسام مصطفي إبراهيم وكتابه يوميات مدرس في الأرياف



ومحمد هشام عبيه وكتابه عزيزي 999


يشرف الحفل بوجود د.سيد البحراوي و الأستاذ بلال فضل وعدد من الكتاب الشباب

في انتظاركم

4 comments:

هبة المنصورة said...

أنا علقت ع الحدث هناك عند أصحاب الليلة

حبيت بس أعلق ع الحدوته السطر اللى رايح جاى ف البورد فوق
واحتجت أقول إن لو دبلت الورده ريحتها فيها وبعدين ده الدنيا ربيع.. مش معقول كم الورد اللى بيطل علينا من كل حته واحنا لسه مكلضمين
مع إن عندى صداع هيفلق دماغى الحقيقه وبدأت أتعايش معاه لإنه بيصبح عليا كل يوم باحاول أتخيل أى حاجه حلوه ف طريقى بنادول يسكن شويه
امبارح اتبسطت أوى لما شفتك ياشيمو
شفتك ف طالبه ف الكلية وطلع اسمها شيماء برضه.. اعترفى! كنتى هنا امبارح؟

klmat said...

ازيك يا شيماء يارب تكونى فى احسن حال
الف مبروك للشباب وجميل منك انك
تدعى لمشاركتهم فرحتهم وجميل
حضور د/ سيد البحراوى والكاتب الساخر
الجميل بلال فضل كان نفسى اكون موجوده
بس انا من اسكندريه لكن ان شاء الله
اشترى كتبهم اعلانك عنهم وحضور
الكاتبين المرموقين بيأكد موهبتهم
شعورجميل منك وده مش غريب عليكى
ربنا يوفقهم ويوفقك
خالص حبى وتقديرى

Anonymous said...

هبه المنصوري: لا والله يا فندم بريئ...لم أغادر القاهرة، وبالأخص الجيزة :)

هو موضوع الصداع ده بيضايق طبعا بس خالي بالك من نفسك

أما بخصوص الورد، فبجد يا بنتي زيارتك دي لها فرحة كبيرة كأن حد جابي لي بوكية ورد :)

وإلي اللقاء قريبا، واللا إيه؟

-----------

أميرة:

أنا كويسة الحمد لله، لا بأس
أنا ما كنتش اعرف إنك من أسكندرية

وربنا يكرمك يا رب، وإن شاء الله تقري الكتب وتعجبك

بس إنت برضوا حد جميل وكفاية إنسانيك يا أميرة في موضوع مدونة الشهيدات، وما تتخيليش أستاذ أسامه كان منبسوط إن حد ما يعرفوش كان متأثر به ومتجاوب معاه

أسعدتني زيارتك جدااااا
وتحيا أسكندرية :)

على باب الله said...

فعلاً حدث يستحق الإحتفال

للأسف مشفتش الموضوع غير النهارده

الف مبروك للجميع و إن شاء الله أشتري الكتب و أبهدلهم نقد

---

اخترنا لكم...حنان في الريف و خلي السعادة عادة مع ميادة!

وحشتوني جدا   أنا انهاردا في جو تمانيناتي جميل وباسمع هدى القمر لإيهاب توفيق والدنيا دندنة وباكتب لكم وأنا حاضنة البطانية  عاوزة اشاركم حاجت...